遊樂場損毀長期冇人整
李先生入住秀茂坪寶達邨已近十年，近年邨內人口不斷增加，惟休憩設施卻未有增設，不時出現小朋友「爭玩」情況。今年九月發現達怡樓與達欣樓之間的遊樂場因損毀而被圍封，惟一直無人維修，不少居民只能望場興嘆，「好多小朋友日日都等個遊樂場整好再去玩，不過一直都冇人整，仲唔知幾時開得番。」
房署發言人稱，已張貼通告說明遊樂場出現損毀，需更換安全地墊。經招標安排維修承辦商及所需物料，即將展開維修，預計工程可於十二月完成。
當區區議員洪錦鉉質疑房署未有即時處理問題，導致維修程序一拖再拖，「報價根本唔會咁慢，會唔會係一直冇人理？有人投訴就即刻話整，房署喺咪要檢討一吓個程序？」洪指邨內對遊樂場需求殷切，希望房署盡早完成維修工程，讓居民繼續享用遊樂設施。