維基解密踢爆多國嘅外交醜聞同機密檔案，令多個政府尷尬不已，港府都不能幸免，被指隱瞞喺香港奧運馬術賽期間可能遭受恐怖襲擊嘅情報。保安局局長李少光尋日主動解畫，點知又講錯嘢，口快快咁以「收到國泰航空公司有個炸彈」做比喻，原意係指政府唔可以未經分析就貿貿然公布各項保安情報，不過對於國泰嚟講，就真係多得佢唔少。
新聞處其後為光哥出稿時，特別剔除咗「國泰」兩隻字，變咗做「某航空公司」，為光哥補番隻鑊。
