政情：邊太孖神職者會長毛

其實喺女童軍總會十月中嘅特別會員大會上，已否決畀邊太連任，意味住邊太嚟緊一定冇得繼續做。不過件事其實仲未收科，我哋收到消息，話邊太早幾日帶埋一個神職人員去見長毛，疑似向佢求情，希望長毛唔好再狙擊佢，放佢一條生路。我哋尋日搵到長毛求證，佢承認見過邊太及其同行嘅神職人員，但就唔係求情，只係睇咗啲文件喎。

長毛強調，呢個年代做乜都要公事公辦，依家邊太都冇得連任，只要執番正規矩就冇問題啦。佢仲誓神劈願話自己唔識對方，但有錯就一定要改：「總之我一定跟進到底，直到搞清楚成件事為止！」我哋搵過女童軍總會公關，但對方話聯絡唔上邊太，未有回應喎。