醫保套餐收費 私醫焗畀次貨

多名私營醫療界及保險界代表昨日出席公共專業聯盟及城市大學舉辦的醫療改革研討會。醫學會會長蔡堅批評，套餐式收費令醫生不能提供最佳服務，要將價就貨，「本來細菌感染要食隻好嘅抗生素，但套餐賠唔足，就觀察多幾日睇睇退唔退燒先；本來要通波仔，就食住薄血藥睇睇先！呢啲套餐根本就係魔鬼設計，要醫生畀次貨病人！」

或轉介公立醫院減風險

私家醫院聯會會長劉國霖擔心，私院收症時如無足夠風險評估，「萬一收嗰個係老弱殘兵，咩病都齊，用套餐收費，私院分分鐘要蝕本！」為了收病人套餐價，醫生可能要減價，或索性轉介病人往公立醫院。為減少風險，私院亦有機會加價。仁安醫院副醫務總監梁國齡亦指，該院推行的套餐需篩選病人風險，高風險病人不會收套餐價。

香港保險業聯會醫療改革專責小組成員陳秀荷表示，業界希望更多健康的年輕人購買自願醫保，否則承保的高危病人太多，風險分攤無法持續，政府要不斷注資。食物及衞生局副局長梁卓偉明言，套餐收費價格是中位數，「私家醫院有時會賺多啲，有時會蝕錢，但只要夠多人買，就可以做得到。」