最新一份審計報告力指直資學校管理不善，其中傳統名校拔萃男書院更被揭喺實際儲備比預算高出六倍嘅情況下加學費，差啲嚇親家長。不過自由黨副主席、男拔校友兼校董張宇人（Tommy）尋日就為母校保駕護航，指近年男拔都要預一大筆錢做維修，有時有工程延遲咗，先可能多咗儲備。但差六倍會唔會好過分先？Tommy笑笑口話，政府咁大個團隊，但年年做財政預算案都會計錯數，低開高收，所以男拔盤數計得保守啲都唔係錯喎！政府計錯嘅數以億嚟計，一間學校拍埋去係蚊同牛比，Tommy今次好波喎！
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
