政情：葉太炒人仔有賺無蝕

不過好似葉太做咗咁多年高官，身家有番咁上下，開咁多戶口日日買都唔係辦法㗎喎。咁點先可以做到最安全、最保值又最快捷嘅投資呢？葉太話絕招就係買人民幣壽險。對金融及相關產品有唔少研究嘅葉太話，坊間有兩大類人民幣壽險，一種係賠償金額高，但儲蓄成分少。另一種就係佢自己買咗嗰隻，保障啱啱掉轉，儲蓄佔大部分，咁就最保值啦。

葉太話自己兩年前開始買人民幣產品，因為睇中人民幣升值潛力高，加上將來同人民幣有關嘅金融產品實會愈出愈多，揸多啲人民幣喺手總會有賺無蝕咁話喎，果然有先見之明。