政情：風高浪急掌基金唐唐隨時翻艇

政府夥拍商界各捐五十億元設立關愛基金，建議一出遭受商界同政黨猛烈抨擊，輿論風波未停過。政府尋日公布關愛基金督導委員會成員名單，主席唐英年喺記者會上自嘲，多謝委員願意喺風高浪急之時「登船」出任基金成員，間接承認基金未運作已陷嚴峻形勢，隨時翻艇。記者問唐唐，若基金成功係咪會有利佢選特首，唐唐顧左右而言他，話咁多有心人幫手，基金實成功喎。真係會成功？又睇吓點！