投訴：租置屋漏水洩電險爆炸

青衣長安邨入伙之初已遷入安潤樓單位的周太為與家人建立一個安樂窩，五年前透過租置計劃向房署購入所住單位，生活一直安穩。直至去年七月，周太發現廚房天花有石屎剝落及滲水現象，即時向滲水辦求助。但滲水辦職員卻在今年二月才上門檢查，測試後亦不了了之。「到底有冇問題、點處理都要講聲啩？啲水咁近個電錶，都唔知會唔會漏電爆炸！」隨着滲漏情況不斷惡化，水漬已由天花伸延至直趨地面，廚房天花更已出現鐘乳石，顯示問題日益嚴重。

1823打極都唔通

終日憂心的事情終於發生。早前一個周末下午，單位電箱突然跳掣致全屋停電，周太即時聯絡房署，管理員上門檢查電箱時更出現火花，「佢唔知係咪驚爆炸，猛叫我自己搵師傅搞掂，我打去1823又打極都唔通，滲水辦又冇人，真係叫天不應！」周太惟有以電筒檢視，驚見電線掛滿一滴滴水珠，「咁漏法淨係跳掣，已經好好彩！」

滲水辦發言人承認，去年七月接獲周氏投訴，並一直積極跟進，今年五月已向上層單位發出「妨擾事故通知」，要求進行維修。不過，周太隨即踢爆滲水辦「講啲唔講啲」，直指申訴專員公署今年四月回覆投訴時，曾指事件拖延處理因有滲水辦調查員中途離職，致延至半年後才安排新調查員跟進，已將事件列作屬嚴重失當處理。

「住租置屋真係做租客好過做業主！」香港業主會會長佘慶雲指不少租置屋業主遇上滲水問題時均全無保障，建議發現樓上住戶為租戶時，應即時向房署發信警告，追討不果便入稟小額錢債審裁處，「依家好多部門都係唔見棺材唔流眼淚」，小業主只能自求多福。

議員斥知錯不改

立法會議員王國興狠斥滲水辦知錯不改，促增置廿四小時熱線，以便處理小市民的即時求助。王又促當局須改變工作態度及行政程序，避免因人事變動而拖延處理滲水投訴。

記者　梅可茵