特惠金扣逾年廚師斷糧
勞工處非但未有協助工人，更被揭發落井下石、剋扣欠薪特惠金！有打工仔發現公司倒閉，為取回血汗錢而入稟申請僱主破產，主責協助受薪一族的勞工處竟無視工人權益，即使破產欠薪保障基金已發放特惠款項，但已接收特惠金的勞工處卻遲遲未向工人發出支票，令工人幾近斷糧。立法會議員狠斥勞工處對拖延發放特惠金理據不足，亦欠受害人一個合理交代。
覃先生原於佐敦一間酒樓任職廚師，但酒樓卻於去年四月突然結業，遂於去年年中與工友一同入稟勞資審裁處，終獲判勝訴。「旺角勞資關係科話已經申請到破欠基金，仲好快會畀票我哋，點知到依家都冇聲氣！」覃雖多番向勞工處了解，惜仍不得要領。「次次追佢（職員）都話會寄支票，最後話九月點知又係冇！」早前又再度失業的覃坦言已山窮水盡，「依家都仲未搵到工，啲仔女開學又用咗一大筆，真係慘！」覃不滿勞工處未為打工仔提供協助，反而剋扣應得賠償。
勞工處發言人表示，現有破欠基金申請會由勞工處薪酬保障科處理，並承諾會在取得所需資料後十個星期內向合資格申請人發放款項。至於覃的個案，發言人指涉事公司今年四月被法庭下令清盤，受影響員工包括覃在內共十五人。覃的個案已完成審批，將與當事人直接交代事件，但對被指拖延處理發放款項的指摘，發言人則未有回應。
不過，覃指勞工處職員雖曾主動聯絡，並表明支票將於九月廿七日寄抵，惟限期過後承諾仍未兌現，「我已經追到唔想再追，再追落去都係冇意思！」最後在十月四日才接獲支票。
一拖再拖冇交代
立法會工商事務委員會委員陳淑莊直指勞工處一再拖延發放款項，欠工人一個合理交代，「有咩理由咁耐都出唔到票又冇解釋？」陳指勞工處十星期內發放款項的服務承諾已破滅，「如果班工人唔合資格或者資料唔夠，就要同人講，而唔係拖住唔畀錢！」
立法會勞工界議員潘佩璆則稱，勞工處發放破欠基金前處理文件需時，並會視乎受影響人數而動用酌情權，故人數愈少，發放款項的時間可能愈長，過去便曾有個案需時一年才獲發放特惠金。因應現有情況，潘認為勞工處應劃一發放破欠特惠金期限，「就算受影響工人唔多，都係等住啲錢開飯！」潘建議日後須增加透明度，主動向申請者定期匯報破欠基金申請進度。
記者 林永發