政情：洪丕正藉嘉年華沖淡負能量

五元素為創作藍本

今次嘅嘉年華主題以「金、土、水、火和空氣」五種不同特性嘅元素為創作藍本，呢五種元素衍生萬物，亦反映人類生活及自然界嘅關係。今年嘅嘉年華，無論巡遊環節或藝術攤位，皆以五大元素為藍本。

洪丕正都去過英國諾丁山同美國新奧爾良感受當地嘅嘉年華氣氛，佢話人哋一家大細參加，全城投入，喺條街載歌載舞，吸引埋鄰近地區人士飛去睇，可惜亞洲嘉年華會文化氣氛好淡薄，香港更處於起步階段，需要時間promote，所以見到渣打藝趣嘉年華愈來愈多人參加，佢都好欣慰，希望將來可成為香港文化藝術一部分，吸引遊客來港，推動創意，帶來歡樂，沖淡香港嘅負能量。