八達通控股董事會尋日舉行會議，決定接納個人資料私隱專員、金管局同八達通特別委員會報告嘅全部建議，公司主席梁國權仲喺記者會上，自爆將於今年十二月退任非執行主席，但就冇正面回應係咪為咗八達通出賣客戶私隱事件而問責下台，只係話：「我已經做咗九年主席，係時候由新主席帶領。」喺今次事件中多次前言不對後語嘅八達通前行政總裁陳碧鏵，當日辭職時亦冇講明係為咗咩事，不過實際原因係乜，唔講大家都心知肚明喇！