社福機構漠視婆婆跌傷
社福機構服務理念標榜「以人為本」，但有長者在服務機構大樓內跌倒，職員竟以「唔得閒」為由拒絕陪同前往醫院，事後亦否認存在疏忽而不作賠償，令事主精神備受困擾。關注長者團體批評社福機構職員只按本子辦事，漠視長者需要，與服務宗旨背道而馳。
年近七旬的方婆婆不時前往地區長者中心參加活動，去年三月二十五日下午二時，方婆婆冒雨前往長者中心參加講座，「搭升降機」直上七樓後，才獲悉講座在四樓舉行，因所乘升降機仍繼續往上，婆婆為趕及講座時間遂「轉機」前往四樓，期間不慎跌倒，「度機門斜咗上去，個地咁啱又滑，我一轉身就跌喺地，痛到成個人郁唔到！」
精神困擾 索賠不果
婆婆指當時職員曾召救護車，卻拒絕陪同入院，「啲職員話唔得閒，唔肯陪我去醫院，得我一個老人家，真係好驚！」經醫生診斷後，證實婆婆左手前臂骨折，需「打石膏」。過去年半，方婆婆多番向長者中心追討賠償不果，精神備受打擊，「到依家啲手指都唔係好郁到，成日仲會諗番出事嗰日啲嘢，搞到瞓唔着、成日喊，又話長者中心關心長者，根本呃人！」
有關家庭服務中心發言人表示，當日社工確定方婆婆能清楚回應醫護人員查詢，遂由三名救護員護送往醫院。至於賠償問題，發言人則指事件經公證行調查後，證實中心並無任何疏忽，故不會對方婆婆作出賠償。至於被指升降機門傾斜一事，發言人指有關設計乃防止水浸時積水倒流至升降機槽內，故大樓各層升降機門均輕微傾斜，地面亦有鋪設防滑物料，而發生婆婆跌倒事件後，亦有在升降機出口增設防滑貼。
對於有受資助機構被指漠視長者跌倒一事，社署未有作出評論，只將個案轉介至有關機構處理。
長者權益協會總幹事李立航批評職員對突發事件處理欠彈性，「間間機構都有指引，但係社工係做人嘅工作，唔係機械式去執行指引！」李認為社工當日應衡量情況，再決定是否陪同婆婆前往醫院，而非以工作忙碌為由拒絕。
黃國桐律師亦直斥有關機構處事不當，「社福機構嘅服務對象係老弱婦孺，佢哋嘅需要唔同一般人，點解可以咁無情！」黃又指公證行的報告並非絕對正確，「千祈唔好畀『公證行』呢個名呃咗，通常佢哋都幫請佢個一方，並非完全公正，亦唔代表間機構冇疏忽！」黃建議當事人透過法律途徑討回公道。
記者 梁少儀