部分議員就廢除堆填區令的精彩發言
民主黨甘乃威：你（邱騰華）係三失局長，喺固體廢物政策失職，制訂不受歡迎設施政策失誤，喺政治游說工作失敗！
公民黨陳淑莊：政府喺事件上犯上三大錯誤，第一係冇依法保護郊野公園，第二係冇做好城市規劃，第三係冇做好喺源頭減少廢物！
自由黨劉健儀：近年固體廢物數量年年都增加，你仲自吹自擂話減廢有成效，係拗橫折曲、魚目混珠！
社民連陳偉業：今次耍盡手段，正副局長都要辭職，唔要求你剖腹已經好客氣。
工聯會葉偉明：你哋唔好耍兩面手法，話唔搞將軍澳，就去搞其他區，分化香港市民。
民建聯陳克勤：之前嘅法律爭拗，係由政府當局質疑立法會權力所引起，如果政府最後提出司法覆核，會造成雙輸局面。
專業會議何鍾泰：今次反映咗政府行政霸道，冇考慮過行政立法關係，漠視立法會嘅憲制角色。
勞聯李鳳英：政府挑戰立法會權力，我無從選擇，只可以揀廢法！
會計界陳茂波：政府回應市民嘅訴求，係有事鍾無艷，無事夏迎春，回應得太遲。
公民起動何秀蘭：今次係典型管治失效、管治無能嘅例子，行政機關妄想用權力鑽空子，令法例得以落實。