投訴：九巴66線失準玩殘乘客
巴士班次失準，乘客寶貴時間無端遭耽誤。往來深水埗至屯門大興邨的66線九巴原訂班次為每十八至二十二分鐘一班，不過，鄒小姐發現該線巴士近期班次經常失準，「試過等咗成卅分鐘至有車，已經唔止一次係咁，嘥晒啲時間！」
九巴發言人承認，根據近期行車紀錄，上述路線巴士偶有車長臨時因病缺勤，亦曾有巴士在行駛期間發生機件故障而影響班次，深水埗總站的站長需臨時調整班次及更改開車時間，已通知外勤人員密切留意該線服務情況，如有需要便相應調動班次。
「咁大間公司，點可能因為個別員工臨時返唔到工就影響晒服務，實在講唔通，九巴好應該靈活調動安排後備司機替補！」民間監管公共事業聯委會發言人蔡耀昌認為，九巴應加強檢討服務情況，並考慮增加班次滿足乘客需求。