中環耳目：朱繼陶鄧鉅明歎抵食鐵板燒

八重菊近月以震撼價推出鐵板燒自助午餐搶客，除咗任食沙律、前菜及甜品，客人仲可以任點任食鐵板炒飯、炒麵及野菜，每位奉送鐵板長崎小赤鮑一隻。呢個餐仲包任揀兩款主菜，有大蝦、三文魚扒、美國牛肉薄燒等。自助餐唔係日日有，每逢周六、日及公眾假期午市供應，想食要揀啱時間嘞。

八重菊老闆之一「鮑魚大王」楊貫一係國際御廚，早前國際御廚協會廿多位御廚來港，都有嚟橫掃八重菊嘅美食，「一哥」請一眾御廚大擦特級拖羅、藍鰭金槍魚、白梅貝等，御廚們都唔客氣，大快朵頤。