心臟科名醫何鴻光（圖右三）迎娶名媛榮文莞（Yolanda、圖右二）後，年初誕下千金何心瑜，一家三口樂也融融。但兩公婆間唔中都要浪漫吓，上星期二，卓妮喺銅鑼灣撞見兩人拍拖行夜街。嗰陣係夜晚十點半，B女心瑜應該甜睡緊，何醫生就同太太逛影視店，睇吓有乜新碟。入到舖頭內，兩人分頭睇，何醫生對外國新戲情有獨鍾，Yolanda就喺店內巡一圈，乜都睇一餐。揀咗十分鐘，終於揀定三套新戲，埋收銀處畀錢，之後返屋企煲碟去也。
