政情：客家文化節鬥炆豬肉

肥平為咗隆重其事，前排仲親自拜訪鄉議局，介紹呢次客家文化節嘅特色，此外佢又出咗封信畀鄉議局搵贊助，講明捐夠三十萬就成為金鑽級贊助合辦機構、十萬就係翡翠級、五萬都有個白金級。

身為籌委會成員嘅鄉議局尋日提出，喺十二月四日舉辦一個炆豬肉比賽，邀請十間食肆或者酒樓參加，然後由食家做評判，最後贏到嘅食肆就獲贈證書一張，以作表揚。鄉議局呢條橋真係唔錯，事關搞飲食比賽一定不乏捧場客，炆豬肉係客家名菜之一，如果到時平民百姓都可以有份試食就好嘞！