貨車違泊塞爆工廠區
成業街及興業街位處觀塘工廠區，上、落貨車絡繹不絕，平日交通繁忙，但長期有大量貨車及旅遊巴士違例停泊。陳先生不滿違泊問題長期未有解決，導致交通擠塞，「貨車上落貨，加埋啲車行將車擺晒出街，有陣時會兩行、甚至三行違泊，總之就塞死晒，啲車想行都行唔到！」
觀塘區議會交通及運輸委員會主席范偉光指出，觀塘工廠區屬舊區，大部分工廠大廈均不設停車場，大部分貨車均需在街道上落貨，加重違泊情況，「工廠區交通不嬲都亂，觀塘區都好嚴重，不過依家工廠大廈轉緊型，情況可能會有所改善！」范續稱，警方加強檢控才最具阻嚇性，「司機畀人抄牌抄得多，就唔敢再違泊！」
警方發言人指出，七月至八月底期間，警員曾在上址向違例車輛發出約八十五張定額罰款通知書，未來會繼續密切留意情況，向違泊車輛採取嚴厲的執法行動。