建材公司霸路遮交通燈

疑因法例存在灰色地帶,令旺角違泊及阻街問題無日無之。陳小姐指出,旺角砵蘭街一帶有多間建築材料公司經常霸佔車路及行人路,肆意擺放雜物及違例停泊,「啲貨堆到鬼咁高,加埋啲貨車又大架,成盞交通燈都遮埋,搞到連燈(號)都睇唔到!」

警方發言人表示,已經常巡視上址並且向違泊車輛採取檢控行動,單是過去一個月,便已發出五十六張交通定額罰款及十七個口頭警告。食物環境衞生署發言人則指上址經常起卸貨物,致有等候運送的建材擺放路邊,但認為未構成滋擾,只要求負責人自律。

當區區議員許德亮承認,事件涉及部門取締不力外,現時先警告後執法的法例亦製造灰色地帶,致經常出現勸喻後「(啲貨)移一移,轉頭又擺過嘅情況」,許要求部門加強取締外,同時修例改為即時充公相關貨物,方能收阻嚇效用。

Money18新功能「18好路數」為你預測心水股票升跌機會率