呢排大家時興講仇富，全國人大常委范徐麗泰尋日被問及呢個問題時話，仇富同厭貧都唔應該，即係唔好憎人富貴，亦都唔好厭人窮喇。佢寄語有錢人發財要立品，賺到錢就要回饋社會。佢仲話無論乜嘢崗位嘅人，都要盡力拉近貧富懸殊嘅問題添。睇嚟下月發表嘅施政報告，特區政府想唔設法解決呢個問題都唔得嘞。