城巴飛站 惹乘客不滿

城巴發言人接獲投訴後，已提醒司機必須於指定巴士站停車上落客，該公司就此事向楊先生致歉。

「巴士飛站係唔啱，不過（巴士站）都唔應該有其他車遮住，如果係咁個司機都幾冤枉！」身兼油尖旺區議會副主席及交通運輸事務委員會委員的梁偉權坦言，該區入夜後常有小巴及的士「自製車站」，甚至佔據部分巴士站等客，嚴重妨礙原有路線巴士「埋站」，建議警方加強巡查及驅趕違規車輛，改善問題。