地面濕滑 變跣人陷阱
藍田公園內設有五人足球場，每日均會到公園晨運的陳先生指出，足球場旁設山坡護土牆，每逢下雨之後便會有大量山水從疏水孔排出。自七月初開始，便發現其中一個疏水孔「水長流」，令地面變得異常濕滑，對行山人士構成危險，「成地都係水，有好多老人家經過差啲跣親，好耐之前已經圍晒膠帶，唔知點解到依家仲未整好！」
康文署發言人表示，今年雨季發現疏水孔排水情況轉差，已即時要求建築署改善排水系統，工程預計於九月底完成。在工程完成前，會將受影響範圍以膠帶圍封，以及盡快清理因疏水孔排水受影響的地方，保障公園遊人安全。
當區區議員柯創盛批評康文署「拖得就拖」，有罔顧市民安全之嫌，「淨係疏水孔嘅問題都要交畀建築署搞幾個月，有冇諗過市民嘅安全？點解唔可以加快步伐？」