領匯半年一加趕絕檔戶

頂得好辛苦 被迫離場

莫伯於運頭塘邨街市經營紙紮舖已有十七年，艱苦經營半生的小生意，竟因領匯擬引入大型連鎖商店而被迫結業，「喺呢度做咗咁多年，去到新街市都唔知點同人哋鬥，要我搬走我寧願唔做！」採訪當日，更有街坊向記者表示希望莫伯可以繼續經營，「成條邨搵間紙紮舖都冇，咁我哋點拜神呀？」

被迫離場前，其實莫伯亦飽受瘋狂加租困擾，不足一百呎的檔位月租高達七千八百元租金，現時面對十室九空的街市，莫伯慨嘆說：「房署喺沙士之後減過租，之後續咗三年約，舊年九月先到期，如果唔係一早已經畀人逼走咗！」莫伯指領匯接管街市後，只以短期租約形式出租檔位，每次約滿後更大幅加租，令不少檔戶「頂得好辛苦」。

經營五金舖的李先生坦言，雖獲領匯口頭承諾安排遷入商場，租金與現時相若，但舖位面積卻大打折扣，只及現有的一半。又有商戶指領匯早有預謀「陰乾」街市，「佢哋接手之後又唔整冷氣又唔宣傳，仲要係咁加租，逼走晒啲人，又熱又焗自然冇人買嘢！」

領匯發言人表示，大埔區內街市供應充足，包括設有冷氣系統的大埔墟街市，以及歷史悠久的富善街街市，加上運頭塘邨街市使用率一直未如理想，故須作出調整。為在原有街市加設零售店舖面，配合工程進度，須與個別租戶訂立短期合約，方便進行工程，目前正協助仍於運頭塘邨街市營業的六個租戶物色新舖位。

「紙紮舖呢啲係民生嘢，每個社區都應該要有！」領匯監察主席陳寶盈直斥領匯忽略市民所需，未有因應屋邨人口老化的實際情況，加上大埔墟與富善街均與運頭塘邨有相當距離，直指有關解釋未能自圓其說。

運頭塘邨街市將被領匯回收及翻新，邨民將要跨邨購物。

面對結業在即，莫伯慨嘆十多年苦心經營生意將因被迫退休而告終。

議員憤怒 直斥盲目升級

立法會議員民政事務委員會委員陳淑莊更對事件感到憤怒，「佢哋畀人鬧咗咁多次都係咁，一味只係盲目（為旗下資產）升級，冇理過市民真正嘅需要！」陳指房署「賣產」時，曾承諾居民生活所需不會受出售資產影響，但實際卻有不少居民相繼投訴「街市變老人院」，「商場冇茶飲」，明顯不符當日承諾。

記者 林永發