政情：燒錢買概念政府敗家捱轟

推倒重來嘅西九文化區開始進行第二輪公眾諮詢，三位國際級設計師整咗三份概念圖則出嚟畀大家睇，真係各有各嘅擁躉，最終會用邊個都未知。不過為免引起版權問題，西九管理局豪擲一億五千萬，買斷三位大師級傑作就為人詬病，更令人擔心最後將三個設計糅合成最終方案，只會變成「三不像」。睇嚟有關西九嘅爭議只係啱啱先開始！