政情：陳茂波唔避嫌搵CY幫手

坊間早已盛傳阿Paul埋咗CY堆，咁點解佢仍然要搵CY做嘉賓呢？阿Paul解釋之餘，順便幫CY笠高帽，話今次搵CY做講者，純粹因為對方對呢一方面好有研究，見解亦好精闢，搵佢做嘉賓，可以令與會嘅會員有所得着咁話。

雖然CY最近不斷就房地產問題發表意見，但香港熟呢個範疇嘅人都唔少，點解一定非佢莫屬呢？阿Paul猛呻無辜，話自己其實搵過幾個學者，包括雷鼎鳴等，仲搵過運輸及房屋局局長鄭汝樺，但大家唔係冇時間，就係唔想畀人話偏心某個界別，所以佢惟有搵CY喎。佢重申，至今未有人講明會選特首，自己亦冇取態，希望大家唔好亂咁估。