彩盈邨電箱 疑用劣質料

位於九龍灣彩盈邨入伙僅兩年，但質素問題卻陸續浮現。居於盈康樓的蕭先生指出，所居樓層電錶房早前曾經斷路並導致停電，但室內電箱卻未有「跳fuse（保險絲）」，房署派員維修後卻指問題出於「螺絲鬆咗」，「電箱唔識跳掣咁牙煙都得！好彩今次冇事啫，下次容乜易燒埋間屋？」蕭又不滿大門門鼓漏油，質疑房署用料不當。

房屋署發言人並未就用料差劣問題作出正面回應。該邨管業公司發言人則稱，由於涉事單位室內電箱與電錶房電線接觸不良，一旦用電量驟增將導致電錶房自動切斷電源，事後已派員檢查所有斷路器，證實安全。至於門鼓漏油屬正常損耗及自費修葺項目，故不作跟進。

理工大學工程學系工程師盧國強認為事件源於安裝疏忽，「好彩外面個電錶冇事跳到掣，如果唔係啲火花係可以引起火警！」