中環出更:建築生意三年後交棒

王國強(KK)近年全力投身社會公職,建築公司業務已逐步交由兩個仔打理,大仔紹基讀會計,二仔紹恆讀建築,至於孻女修畢會計後都會返公司幫手。原來KK早有退休大計,佢同卓妮講,有意喺二○一三年「金盆洗手」,專注打理金陶軒生意,引入私房菜特色,將現時雲集五省名菜嘅食譜發揚光大。

KK自幼半工讀,作風節儉務實,仔女都秉承佢嘅作風。佢憶述,當年仔女喺外國讀書,諗住買車畀佢哋代步,但仔女寧願自行搭車返學,令佢感到非常安慰。紹基同紹恆畢業後,將家族生意打理得頭頭是道,但KK都擔心社會搵食艱難,會全力支持仔女工作喎。

KK當年接手爸爸王錦輝嘅生意時,兩父子共同設立「金城營造王錦輝教育慈善基金」,過去十年喺本港和內地捐款逾一億元,包括喺國內貧困地區捐建過百所希望學校,而香港就有浸會大學附屬學校王錦輝中小學,幾年前就獲浸大頒授榮譽大學院士,實至名歸。

卓妮