政情：邱騰華冇貓紙方寸大亂

政府高官經常出席大大小小活動，有時都記唔清楚自己喺邊個場合。尋日環境局局長邱騰華出席新推出嘅「少棄置，多珍惜」減廢宣傳活動時，就自爆平時上台致辭一定會偷望背後個布景板，睇清楚個活動名先噏，點知佢啲手下尋日為咗切合廢物利用嘅主題，用晒啲手巾仔砌咗個布置，佢背後變咗「無字天書」，邱局長都好坦白，當場大呼唔見咗啲貓紙。環境局唔用紙，其實至係政治正確嘛。