中環耳目：彭耀佳獨愛Amber烤宮崎和牛

城中名人逛中環係一種享受，但對於置地集團總裁彭耀佳（YK）嚟講卻係工作，事關置地喺中環核心地帶擁有五百萬呎優質商用物業，係中環最大嘅業主，YK奉旨行街街之餘，亦都食遍中環。講到同太太撐枱腳嘅理想餐廳，佢就推薦有晒口碑嘅法國餐廳Amber。
彭耀佳鍾意同太太去Amber撐枱腳。（葉華英攝）
彭耀佳鍾意同太太去Amber撐枱腳。（葉華英攝）

米芝蓮兩星餐廳

卓妮早前喺「鼠戰中環」慈善接力賽嘅造勢活動見到YK，置地係YK地頭，佢嘅心水食肆好多，但對置地文華七樓嘅Amber情有獨鍾，至愛佢哋嘅烤日本宮崎ms A4和牛肉眼，侍應會喺客人桌邊切開上碟，然後配搭唔同醬汁進食，勁好味。

烤宮崎和牛肉眼就喺客人桌旁切開上碟。 （Amber提供圖片）
  • 烤宮崎和牛肉眼就喺客人桌旁切開上碟。 （Amber提供圖片）

YK話佢細個時已經成日同爸爸喺中環飲下午茶，依家就會同妻小嚟high tea。不過佢笑謂只會同太太去Amber，小朋友冇份，事關小孩子唔可以食咁貴嘅嘢。哈哈！

Amber屬米芝蓮兩星餐廳，唔少城中名人都係捧場客。YK對米芝蓮星級食肆零舍有信心，佢話因為已有專家幫手鑑定，實有一定水準！

卓妮