河道變污水渠臭氣擾民
元朗大江埔村支河早年進行改善工程，河底特別鋪上石頭塑造天然河道，結果卻藏污納垢，積聚大量來自上游豬場排放污物，令清澈河道變污水渠。逾八十名沿岸村民不滿每日臭氣熏天，聯署聲討當局。區議員指事件因河道設計有誤，促部門加強清理及打擊非法排污。
大江埔村支河上游設有四個豬場及六個雞場，下游兩旁則住有逾百戶村民。有村民指河水原本清澈見底，近年卻變黑發臭，帶有豬糞臭味的河水每日流經每戶門前，令村民日夜寢食難安，賴伯坦言：「大熱天時仲要摷番張棉被出嚟，冚住個頭先瞓得着，你話有幾難頂！仲惹到一屋都係蚊！」
夜晚排污 白晝先嚟查
村民代表徐太則稱，早前曾發現有人在夜闌人靜時將豬隻糞便及污水直接排出河道，加上河道設計不善而令污物沉積。徐太指渠務署在數年前曾於河道進行改善工程，包括在河底及河堤鋪上石塊，以保持天然河道環境，未料適得其反，「啲污糟嘢積晒喺石罅，搞到河底同河堤啲石罅生晒野草，依家啲河水又黑又起泡！你話條河嘅設計係咪失敗吖？」
徐太曾就豬場非法排污問題向當局投訴，惟未獲正視，「同漁護署投訴有人夜晚偷雞排污，佢哋淨係日頭先嚟睇，梗係捉唔到啦！」徐太指村民對河道發臭已忍無可忍，現已召集八十多名村民聯署，要求環境保護署與漁護署正視問題。
對被指河道設計失敗一事，渠務署發言人未有回應，只稱河床有污物積聚與污染有關，該署只能加強河道巡查工作，有需要時會盡快指派承辦商進行清理。不過，本報發現該署去年三月至今只曾三次河道清理工作，其中兩次乃獲轉介才作清理。
負責監控水質的環保署發言人雖指支河有污染痕迹，但派員跟進時並未發現有人非法排污，又認為異味來自豬場近日清洗活動。漁護署發言人亦說，未發現豬場非法排污。雖然村民受着大量蚊蟲侵擾，但食物環境衞生署發言人則指未有蚊患孳生。
當區區議員鄧卓然批評渠務署設計河道失誤，亦忽略實際環境，「個設計令條河嘅水流仲慢，搞到一潭死水！渠務署又唔定時嚟清，唔臭都幾難！」鄧亦要求當局加強打擊豬場非法排污，並促渠務署加密清理河道次數，「依家啲河水變咗黑色，唔踢唔郁嘅渠務署應該每個月最少嚟清一次！」
河床宜改鋪混凝土
香港專業教育學院（青衣）建造工程系首席講師黃漢平認為，渠務署設計有關河道時忽略上游有人排污的問題，建議當局考慮改用混凝土鋪設河床，令河床面變得平滑，以便污染物可順流沖走，「又或者喺河床至河堤位置鋪沙泥同沙漿，補番啲石罅，都可以減少污染物積存。」
記者 馮國豪