屯門上水單車違泊成災
政府部門各自為政，竟令單車違泊問題變成死症！在新界區觸目皆是的單車違泊個案，每當交由政府部門處理，必須先行搜證、訂立黑點、核實位置、張貼清場警告，涉時約需兩月，令上水、粉嶺以至屯門相繼變成淪陷區。屯門區區議員直斥政府部門互相推卸責任，令違法者肆無忌憚，「無論投訴幾多次一樣冇人理，咁你話啲部門做緊乜？」
港鐵上水站一帶單車違泊問題經年未有解決，居民鄧女士說：「啲單車愈嚟愈多，我個小朋友得兩歲，成日行過都好驚會畀啲單車冧落嚟責親佢！」至於屯門區，區議員陳雲生便曾目擊學生過路時，背囊遭單車勾着險告絆倒，「嗰次真係危險，一跌出馬路實畀車撞，唔好以為係小事呀！」
民政訂黑點 地政核實
據悉現時當局處理違泊單車，需先由當區民政處訂立黑點，再由地政處核實位置，最後由食環署張貼警告，並知會鄰近屋宇法團或互委會，限令物主清走單車。但陳雲生卻直指現有做法並無效用，「如果有人喺限期前將部單車泊去隔籬街，食環署就唔會理，結果又要從頭嚟過！」
陳又指上述程序只適用於一般公眾地方，若違泊地點位處其他政府部門管轄範圍又作別論。以屯門龍門居交通交匯處為例，粗略估計共停放逾六十輛違泊單車，須由運輸署執法，「我同運輸署投訴過好多次，一直都冇人理！」
就屯門區的單車違泊問題，記者發現以商場、街市以及人流暢旺地區的違泊情況最為嚴重；反之區內多個合法單車停泊處卻因管理不善，亦早已淪為單車棄置場，如友愛邨與龍門居交通交匯處外的單車停泊處，不少單車分別遭膠袋密封甚至掛上廣告牌，明顯長期佔用車位。
屯門民政處發言人重申，該處會定期與各政府部門採取聯合行動，清理違泊單車。接獲本報轉介後已派員實地視察及聯絡相關部門，盡快展開清場行動。運輸署發言人則稱，已派員到龍門居交匯處視察，正與相關部門商討清理單車安排。
「冇個部門認真處理」
「咁即係仍然未解決！單車違泊表面係小問題，就因為冇一個部門肯認真處理，結果先搞到今時今日咁嘅局面，到底啲部門要點先唔推嚟推去？」陳雲生促當局簡化現行清理及檢控程序，盡快處理各區的違泊單車問題；運輸署亦需重新檢討「單車」定位，提供更多位置方便的單車停泊處。
檢控單車違泊程序
1.接獲市民投訴後，當區民政處會到場視察並訂立「黑點」
2.地政署會派分區職員核實「黑點」是否屬政府土地
3.一旦證實「黑點」位處官地，會先由食環署在違泊單車上張貼警告，飭令物主在限期前移走單車
4.限期過後如單車仍紋風不動，食環署才會派員清理，倘違泊地點稍有移動，則需重新啟動檢控程序
■記者 許紹基