國家領導人要煲呔曾解決香港深層次矛盾，而且有五個咁多。日日睡好的煲呔曾，看來連改善民生、發展教育的方案也沒有，更遑論如何發揮已有優勢，保持得來不易的金融中心、航運中心和貿易中心地位。至於「包容共濟、凝聚共識、團結一致，保持香港的繁榮穩定，按《基本法》的規定循序漸進地發展民主政治」，恐非「等夠鐘心態」、靠擦鞋減壓的煲呔曾所能勝任。
每次聽佢在電台解答市民關於民生問題——買樓、扶貧、正視貧富，老朽就知道佢無能力做好份工，佢一時叫人生三個，一時以自己為例，講自己都係先租、儲首期，再由北角換吓換吓就換到上中區。煲呔曾，你如今搬到瓊樓最上層，哪裏會知民間疾苦啊！你做「寂寞推銷員」時，只要發揮獅子山下肯捱敢搏嘅精神，生活真係有希望得到改善；可是如今不同，衣食住行樣樣貴，即使唔係在職貧窮，租了樓，再省吃儉用，能捱到月頭出糧，你已是理財專家，然已無可能儲到首期。
歷史學家唐德剛嘗言：時變而思想不變者臭！內地網友有個例子：如果在二十年前的今天，你問一個北大學子的抱負，他一定會答你：我將為祖國的強大奮鬥終生！問十年前的北大生，他會答：我將成立中國的微軟公司，成就威過蓋茨。今天的北大生，其抱負卻是——盡早擁有在北京的房子！
煲呔曾公然叫「八十後」買樓勿心急，這不正是「時變而思想不變者臭」嗎？你日日吼住個樓市有乜用？你估你係美目流轉、一顧傾人城的美人咩？你日日吼樓價日日升，唉！你都係回家等吹蠟燭吧！