中環耳目：黃明記墨丸董吳玲玲食唔停口

講起「黃明記」墨丸有幾正，董太就雀躍起嚟。佢話幫襯咗「黃明記」幾年，最欣賞佢哋嘅墨丸用料新鮮，每啖入口都是實在嘅墨魚粒，加埋清香葱粒，帶出墨丸獨有鮮甜味，董太最愛淨墨丸，一啖一粒，食到唔停得口，老公都知佢心意，偶爾經過九龍城，例必打包兩碗淨墨丸返屋企同太太分甘同味。

「黃明記」以潮州菜起家，潮州傳統中本來只做魚丸同牛丸，但老闆認為只要材料好，墨丸都可發揚光大。墨魚肉質紮實，含豐富膠質，製成丸子最適合。「黃明記」嘅墨丸河、雙丸河及紫菜四寶丸河做得出色，據聞當年無綫仍喺五台山時，唔少明星做完綜藝節目便拉隊去「黃明記」食消夜。

卓妮