發展局局長林鄭月娥經常舌戰立法會議員，推銷政策時強硬嘅態度令佢「好打得」形象深入民心。不過，尋日立法會大會討論將強制拍賣舊樓業權門檻由九成降至八成，林鄭竟然喺會上盡訴心中情，話自己一直深受「好打得」形象之苦，佢話自己唔係一個強硬嘅人，只係做事比較上心啫。吓！前日林鄭未同市建局斟好就同市建局主席拍住公布保留永利街，當市建局係橡皮圖章，如果咁都唔係「好打得」，咁林鄭就真係做戲好得同屈人好得囉。