應徵遭年齡歧視患抑鬱
【本報訊】「前日有得見份廚師工，點知去到個僱主話：『咦！我喺電話聽你把聲仲以為你好後生添！』個心好難受！」現年五十六歲的周錦泉肯捱肯做，但每次應徵時發現，僱主招聘時，普遍以年齡為考慮因素，致令中年失業人士難以重新就業發揮所長，結果屈到抑鬱症。
周錦泉曾任三十年酒樓廚師，月薪曾高達一萬八千元。但○三年，他有份投資的酒樓結業，他隨之宣布破產，更遭妻子拋棄，原擁有的兩房一廳單位也被銀行收回，孑然一身的他，無奈惟有租住面積僅七十呎的籠屋，沒有窗戶透氣，自卑感不斷滋長，心想淪落至此，不願面對友人，常留在隱蔽的籠屋中，一度患上抑鬱症。
僱主：仲以為你好後生
猶幸天無絕人之路，他得社福團體鼓勵，積極找工作，亦遷至較闊的板間房居住，但應徵工作時常遭年齡歧視。他指，早前有飲食業僱主致電相約他面試：「一份萬蚊月薪嘅廚師喎！我開心到差啲瞓唔着！點知去到等咗一個鐘，佢話：『咦，我仲以為你好後生，返去等消息啦咁！』我真係好難受！」他不明僱主為何要否定他的能力：「電視、冷氣機我都抬唔少。我有手有腳，點解唔畀機會我！」