探射燈:樣樣識整 老婆眼中好丈夫

「其實佢個人都幾悶架,但係嫁咗畀佢,屋企所有嘅風、火、水、電、煤,樣樣佢都識整,年終真係慳番唔少!」盧太一面說着,一面看看身邊一副道貌岸然的盧覺強,並露出一絲甜笑。自認工作狂的盧,終日不在家,令盧太不時要獨守家園,但是每到重要時刻總有盧陪伴在側。

盧太憶起一年的盛夏,約凌晨三時,家裏突然跳了電掣,在沒有冷氣下,一屋焗熱難當,「嗰時真係幾驚架,啲細路又細,我哋又住村屋,唔慌會搵到師傅嚟整!」及後盧向鄰居借來電掣零件,不消一會,家裏便大放光明,解決了一個「大危機」。

「平平安安喺埋一齊就夠」

結婚三十六年,盧太形容,他除了是一個萬能工程師傅外,還是一個顧家的好丈夫、好爸爸及好女婿,生活雖然平穩無大驚喜,惟卻細水長流,「佢有佢忙,我咪自己搵節目囉,總之兩公婆可以平平安安喺埋一齊就夠啦。」盧太執着盧覺強的手,臉上露出仰慕之情,幸福滿瀉,羨煞旁人!

Money18新功能「18好路數」為你預測心水股票升跌機會率