民主黨前立法會議員
雞單仲偕，自前年退選立法會後多咗唔少私人時間，但佢同兩個囝囝仍然聚少離多，事關佢兩個仔都喺美國留學，父子間只能靠facebook聯絡感情。世界盃今年喺南非舉行，
雞約埋兩個仔，一家四口六月中飛去睇波，認真係廿四孝爸爸。
雞兩個囝囝喺美國讀緊書，農曆新年無假放，所以返唔到嚟香港同屋企人拜年。雞話，佢一早訂定今年世界盃嘅門票，三場十六強賽事加一場八強賽事，主要係跟住佢哋力捧嘅西班牙國家隊。
其實花咁多錢都值得嘅，事關雞要約齊兩個仔都唔係咁易，用睇波嚟做話題都係唔錯嘅選擇，難得三父子有共同話題，好多人恨都恨唔到！
