本文重點
【本報訊】一家人齊齊整整食頓團年飯並非易事，對去年因肝衰竭徘徊在生命邊緣的「熱血社工」梁慶材一家四口來說，昨晚的團年飯更是深情可貴。去年經東方報業集團緊急呼籲捐肝救命，四月獲長子阿熙捐出活肝得以重生的他直言，「原本無機會食，今次好彩先可以延續生命，令我每年都可以開開心心食團年飯，希望等緊器官移植嘅人都唔好放棄，總會有希望。」
體重增廿磅 康復理想
梁慶材一家四口連同外母，在家享受好兆頭八餸一湯團年飯，包括「年年都有」藕湯、「大吉大利」豬舌、「橫財就手」豬手、雞、燒肉、鮑片等等，全部由梁太一手包辦。
席上「你夾餸畀我，我夾餸畀你」的真情舉措，溫馨暖意亦感動旁人，足證一個器官如何挽救了一家人，難怪他在道謝東方報業集團的詩詞中再次呼籲「際此除夕佳節臨，勉勵器官齊捐贈」（左圖）。
體重增加廿多磅的梁慶材康復進度理想，已先後多次和妻子到內地短線遊，年初四和年初七會再起行，同妻子過二人世界。對於今個年初一情人節，他笑說前晚已送了太太一朵玫瑰，今天會讓辛勞了一天的她先「瞓番夠本」，再享受預先準備好的神秘節目。