鄭汝樺尋日下午到坪石邨視察，本來話係聽居民對活化呢條舊邨嘅意見，但同場加映寫揮春環節。佢穿上鮮紅色外套，配襯珍珠頸鏈，一身貴氣拜年look，成個利是封咁，話同居民拜早年，走到事先預備好嘅文房四寶前為街坊寫揮春，佢有求必應，前前後後寫咗九張，一顯其書法功力。

至於活化坪石邨計劃，其實房屋署早已公布細節，鄭汝樺所講並無新料，似乎係當局假借活化坪石邨出師有名，實際上係一場局長寫揮春嘅親民騷啫。