食肆阻街問題無日無之，食物環境衞生署責無旁貸。葵芳美芳街一帶有多間食肆長期佔用行人通道擺放枱椅，晚間情況尤其嚴重，區內居民陳先生不滿食環署執法不力，「行人路畀人用嚟做生意，啲食客晚晚喺度打邊爐，又飲啤酒又大聲傾偈，點解都冇人掃（蕩）？」
身兼葵青區區議員的立法會議員梁耀忠直指食環署執法力度不足，「間中嚟巡吓邊有阻嚇力？停牌又要搞一連串嘅程序，根本冇可能即時解決到問題！」梁促食環署加強巡查執法，嚴打食肆阻街。
食環署發言人表示，經常派員於不同時段巡查及執法，去年已在上址展開多次突擊行動，共向違規食肆負責人提出二十七宗檢控，其中一間食肆更被該署按違例記分制暫時吊銷牌照七天。該署會繼續留意上址情況及採取行動。