立法會後日（周五）審議廣深港高鐵撥款，Eva鄭帶香港傳媒上武漢做騷，試坐武廣高鐵，前日一齊坐飛機出發。

Eva鄭去到武漢同香港傳媒一齊坐高鐵時，連上司鬍鬚曾黑仔上唔到京嘅瘀事都攞嚟開玩笑，讚高鐵設計精良，有融冰系統，唔會受風雪影響；如果香港起得成廣深港高鐵，第日再駁埋京廣專線，「曾俊華就唔使去唔到北京嘞」。