本文重點
「五區總辭」尚未落實，但被傳好大機會代表建制派出戰新界東補選嘅「政壇新星」、沙田區議員葛珮帆（EQ），早前就扮成聖誕老人，喺銅鑼灣推動低碳環保聖誕節，仲派糖畀市民及遊客。EQ呢個聖誕老人相當搶眼，一身紅色聖誕裝束外，卓妮仲見佢着住對令立立嘅Prada皮靴，細問下原來佢都係Prada擁躉，屋企仲有兩個Prada手袋。
外國買平貨
原來EQ鍾意趁去外國旅行掃減價名牌貨，一來比正價平，二來款式同香港不同，着出街甚少撞款，唔使咁尷尬。EQ話，對Prada皮靴係早前去外國旅行期間購買，減價後相當抵，但就唔記得咗價錢。卓妮睇過Prada啲皮鞋，一對由幾千元至過萬元不等，皮靴估計起碼要七至八千元，減價都唔平得去邊啦！
卓妮