19/12/2009

播放本新聞相關短片

政情：煲呔曾阿Q滿意插水民望

煲呔曾民望近年持續下跌，最近嘅涉嫌慳電膽益親家事件及連串施政失誤，更令民望插水式暴瀉，跌至四十八分不合格水平，為管治敲響喪鐘。雖然本月民望輕微回升，但作為負責任特首應該自我檢討至係，點知煲呔曾接受電視節目訪問時，竟然話自己好幸運，做咗特首四年，已經盡咗力令香港政制前進，可以瞓得着覺，仲話置身於中央同港人夾縫之中，依家仲有咁嘅支持率已經好好喇。煲呔曾呢番說話，除咗話佢有阿Ｑ精神及自我陶醉外，真係無話可說！