黑英尋日喺電台節目中話全球國家應該共同減少二氧化碳嘅排放，避免全球暖化去到不能逆轉嘅地步，不過，部分喺歷史上排放咗大量二氧化碳嘅發達國家，並冇展示負責任嘅大國風範，仍然喺度精心計算，嚴格要求發展中國家犧牲改善人民生活機會去減少排放二氧化碳，黑英批評呢啲國家對自己咁寬鬆，只會造成更危險嘅氣候變化。

警告香港已出現暖化

哥本哈根氣候會議係國際大事，但香港討論唔多，黑英仗義執言，暗踩美國，真係大快人心。黑英仲警告香港人，暖化現象已喺香港出現，本來應該喺春天開嘅杜鵑呢排已經綻放，夏天盛放嘅鳳凰木到今日嘅冬天都仲未凋謝，一般人見到冬天嘅和暖陽光、明媚嬌花都會好開心，但黑英就話佢不寒而慄。