本文重點
醫管局主席胡定旭出名愛馬，喜愛程度已到達「愛之深責之切」嘅地步。前日愛駒「心路」喺沙田馬場首次上陣跑千六米路程，結果跑尾二而回。肥胡無鬧馬仔唔生性，但就第一時間捉住騎師及練馬師追問究竟。
肥胡前日單拖入馬場輕鬆吓，順便為兩匹愛駒「心路」及「八逢九紫」做啦啦隊，事關「心路」首次上陣跑新路程，肥胡一於攞埋望遠鏡企喺貴賓席，全程
實愛駒嘅表現，可惜「心路」點樣努力亦只係得尾二，肥胡睇見當堂皺晒眉。
賽事完結後，佢一個箭步走去向騎師巫斯義「問話」，表情十足似訓導主任召見小學生咁，傾咗幾分鐘後似乎仍未「收貨」，再走去搵埋練馬師李易達傾偈。
另一隻得第三笑番晒
卓妮見狀，馬上上前安慰肥胡。佢解釋話，召見騎師及練馬師並非詐型，只係想了解「心路」嘅狀態，事關呢匹馬應該適合跑呢種路程，唔明點解跑成咁喎。
馬匹始終係畜牲，表現往往出人意表。好似肥胡另一匹馬「八逢九紫」咁，喺第十場賽事中跑第三，帶挈主人袋九萬幾銀獎金，肥胡睇見即時笑番晒。
卓妮