- on.cc 東方互動主頁
- 4月26日 (六)
大本營喺廣州嘅上市公司富力地產，雖然喺香港冇投資業務，但公司董事長李思廉對香港好有承擔，早排連同內地多間房地產上市公司老細，各自捐贈一千萬元，支持世茂集團主席許榮茂發起嘅新家園協會，協助新移民適應新生活。卓妮尋日趁李思廉出席響中環四季酒店舉行嘅業績發布會時，問佢新家園協會有冇新搞作，佢聞言笑稱：「許生叫到，我做啦啦隊㗎咋！」身兼新家園協會會長嘅許榮茂有咁多好兄弟支持做善事，日後會務發展實好得心應手啦！
富力喺內地有好多發展項目，但一直無嚟香港投資地產，卓妮問李思廉點睇香港地產市道，佢好無奈咁話：「邊度識睇！香港（地產）咪得個『高』字囉！」又係嘅，近排地皮拍賣嘅成交呎價郁親高過依家樓盤市價，正所謂麵粉貴過麵包，連內房商都唔敢沾手，普羅大眾更應該小心至上。
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
