■記者 徐少琴

禁止汽車駛入標誌豎立於通道入口，但多部貨車卻公然駛入並長時間停泊。	緊急通道上泊滿違泊車輛，並有大量卡板堆放，儼如卸貨場。	放大圖片

位於荃灣工廠區內的荃業街共分兩段，通往龍德街的一段為緊急車輛通道，全日禁止車輛駛入，但實際通道每日均泊滿貨車，在區內上班的尹先生坦言「睇唔過眼」，不滿政府部門長年無視問題，讓違規者愈見放肆。「啲貨車直情當咗係私家路咁，成條街都霸晒！」

鏟車穿梭險撞人

尹指除違泊問題外，近年更不時有貨車工人利用通道上落貨，大批鏟車不斷在通道穿梭往來，運載貨物的卡板層層疊疊，足有半層樓高，「有日行過我差啲畀架鏟車撞到，冇理由緊急車輛通道會畀人亂泊車、亂落貨，點解咁耐都冇人理？」尹擔心一旦發生意外，救援車輛因種種違規行為而無法進入，「分分鐘搞出人命」。

本報分別向五個政府部門查詢有關違規問題，消防處雖證實上述緊急車輛通道遭違規佔用，但卻與地政總署、運輸署及食物環境衞生署一併將檢控違泊車輛之責任推卸予警方，惟警方的檢控數字卻寥寥可數（詳見附表）。面對問題解決無期，運輸署發言人竟稱，經與相關政府部門及荃灣區議會商討後，決定將整條荃業街改建為公共通道。

配套不足欠規劃

「將荃業街納入公共通道講咗好多年，政府部門成日得個傾字，拖拖拉拉，搞到長期縱容啲車亂咁泊，烏煙瘴氣！」荃灣區區議員陳恒鑌指出，上址部分屬於私人土地，政府多年來就收地問題顯得猶豫不決，漠視緊急車輛通道遭佔用會危及公眾安全，促警方加強檢控以根治問題。

新界西立法會議員梁耀忠直指，當局擬將上址劃為公共通道的安排猶如隔靴搔癢，無助解決問題，「第時冇咗條緊急通道，到真係要救火救人嗰陣點算？」梁指上址多舊式工業大廈，上落貨區配套不足，問題在於政府規劃失當，欠缺長遠目光，「根本就係工廠冇地方上落貨，政府應該盡快喺附近劃番個上落貨區，如果唔係問題永遠都解決唔到！」