萌生勇闖南極嘅念頭，Wilfred話都係多得專業及資深行政人員協會會長容永祺慫恿，佢貴為該會創會成員，點都要瞓身支持，同行有十六名會員，王太亦陪埋老公做南極勇士。Wilfred話，最渴望觀賞南極壯麗冰川。十二月份嘅南極剛好係夏天，凍極有個譜，不過Wilfred唔敢掉以輕心，嚟緊幾個月會四出搜購特強禦寒衣物，佢話大家有乜好介紹，記得通知佢！

我哋聯絡咗搞手容永祺問番詳情，身在英國嘅佢話，理事李樂詩不時舉行講座推介南極有幾好玩，聽得多心癢癢，決定趁後生勇闖南極一次，等人生無遺憾，難得容太都陪佢一齊癲。容永祺話，南極之行將要穿越冰洋及冰河，其中有兩日旅程更有機會遇上六、七十呎高巨浪，認真「牙煙」，但諗起自己咁大個仔都未去過南極，點都要威番次喎。