裝修工程

呢間位於美國佛羅里達州嘅裝修公司，表面嚟睇同一般裝修公司無異，但入到去後卻發現內裏清一色係靚女。據公司負責人Vivian解釋，佢哋之所以成立呢間另類嘅裝修公司，目的只係為顧客提供多元化嘅選擇：「傳統嘅裝修公司當中嘅裝修工人，通常由男性出任。不過，男性裝修工人卻較為粗心大意，同埋唔能夠提供一啲較為貼身嘅服務。」

Vivian口中所謂嘅貼身服務，原來係指呢班索女裝修工人，佢哋唔單止會幫客人裝修屋企，仲會為客人解決生理需要，咁鬼馬嘅服務，難怪吸引咁多人光顧。

內外俱備

既然呢間裝修公司會提供另類服務，因此對裝修工人嘅要求都相當嚴格，唔單止要求佢哋身體健壯，可以做到粗重嘅工作之餘，樣貌及身材更有規定。每個索女裝修工人都要有1.68米以上嘅身高，而上圍亦唔能少於33C，是以唔係每個女性都可以入行。不過有人可能覺得，喺裝修嘅時候，裝修工人通常會穿上工作服，縱然佢哋身材玲瓏浮凸，着咗呢啲工作服亦好難突出佢哋嘅身材。呢間裝修公司亦留意到呢個問題，故此佢哋會為屬下嘅裝修工作，提供專門嘅「制服」！雖然話係制服，其實只係一件露臍T恤，而下面則係超短熱褲。據Vivian解釋，呢套制服可以讓索女誘人嘅身材表露無遺。

此外，由於裝修工人唔單止賣弄外表，需要落手落腳為客人裝修關係，故此每個索女裝修工作，喺投入工作前都需要接受專業嘅培訓，讓佢哋熟練裝修及使用有關器材嘅技巧，絕對唔係得個樣！

服務全面

曾經搵過呢間公司幫手裝修屋企嘅Perterson表示：「起初以為班索女只係做吓樣，幫我油吓牆、黐吓牆紙，做一啲輕鬆嘅工作，估唔到佢哋識得製作傢俬、砌牆、鋪地磚，仲會照顧埋我嘅生理需要。」

話說當日Perterson屋企需要裝修，朋友便向佢介紹呢間公司，於是Perterson便決定試吓。「當日見到班超索裝修工人嚟到時，真係覺得興奮，其中一個便會即刻嚟服侍我，真係開心！」

不過Perterson補充，想享用呢個服務時，要事先同裝修公司提出，每次親密接觸都要收取180美元嘅「服務費」，折合約為1,350港元，而有關嘅服務將會到工程結束為止。雖然係貴啲，但見到咁索又性感嘅靚女，相信冇邊個男人可以按捺得住，係咪？

撰文：阿豪