政情：純官龍漢標唱雙簧轟樓控

政府推出新一輪壓抑樓價措施，其中以徵收樓宇買賣額外印花稅力度最大，本港主要發展商之一新世界發展董事總經理鄭家純，早前開腔反擊，指新措施或會殺錯良民，對急於出售單位嘅業主造成影響。政府高層尋日強調，新措施漸見成效，又話相信唔會影響真正用家，但地產建設商會秘書長龍漢標就企硬地產界立場，重申措施會影響真正用家，以及一些可能因短時間內財政狀況出現改變而需要出售物業嘅買家，既同鄭家純唱雙簧，又同政府唱反調。